Haydn in C majeur Maklik skryf sy ‘n gedig óf ‘n kortverhaal, selfs ‘n roman met 50 dinge wat sy en jy saam kon doen, saam… jy as haar…man Is Jy die dierbaar wat op haar sal wag vir wie sy elke dag wil opstaan met die aller mooiste glimlag? Is Jy die een wat haar kan vashou en al die seer laat verdwyn, haar pyn onder die son se blink laat skyn? Is Jy die man vir wie sy die res van haar lewe wil bystaan en is jy die man langs haar onder die volmaan? Sy soek haar Heuningspruitbrug Met al die plate vol sonskyn Blink rol weer sag oor haar wang en sy wens sy kon haar bang met ‘n reënboog en sonskyn vervang Sy loop in ‘n doolhof van donker voel voel vir nóg ‘n deur haar asem kort en haar hart seer dan volg ’n gedagte van gister wat so haar hede beheer Waar is hy, dié Haydn in C Majeur ? Sy staan op om weer te probeer sy stik haar hartspier vas elke keer moet sy hom self heg self weer in haar borskas vas las met die hoop op vernuwing en iemand wat reg in daardie gat in haar borskas sal pas so sit sy dan tussen oud en jonk saam onder een magiese dak van fyn ontwerp binne die raamwerk van SY groot plan Viool, Tjello, ‘n bas en klawerspel so sit sy veilig tussen oud en jonk omring met klassieke klanke van sag struik en goud in die môrestond. dorettepotgieter ©