JOZIE, land van goud Donker wolke pak bo die Heuningspruitbrug net anderkant Kroonstad Windpomp in die swaar lug lang gras staan gebuk en die pienk en wit wink langs die N1 dan volg plate en plate vol sonskyn oppad na Jozie met gevlerkte vriende wat volg in die gryse lug en nog plate en plate vol sonskyn met jare se seer wat so om haar verdwyn Trok op trok, trailers en karavaan saam met die ongeduld wat langs haar op die lang reguit verdwyn So ry sy die vakkansie verby oppad na Jozie die land waar goud in die morestond skyn Links verby die geel SOS gekonnekteer met silver draad aan iemand wat kan help om die seer te verstaan Nog net een bult, nog net een kruin aan die anderkant wag Jozie na plate en plate van sonskyn Rooiwal en Vredefort môre bou sy vir haar ‘n kasteel van fyn naaldekokerdraad wat skitter in die groot blink maan Waarheen en waarvandaan? oppad na Jozie met wange wat aanhou traan nog plate en plate vol sonskyn wat help om die pyn te verstaan so sag en weerloos, stukkend en broos hang sy saam met my gevlerkte vriende bo die donker swaar lug en onder haar volg plate en net nog plate vol sonskyn Waar kom haar hulp vandaan? Haar hulp kom van die Here wat hemel en aarde geskape het, laat Sy wil geskiet en so haar versoening wees Donker wolke pak bo die Heuningspruitbrug net anderkant Kroonstad Windpomp in die swaar lug lang gras staan gebuk in die wind die pienk en wit wink langs die N1 gevolg met plate en plate vol sonskyn Oppad Jozie toe met gevlerkte vriende wat haar volg in die gryse lug dorettepotgieter ©